Crioulo

A SEMANA : Primeiro diário caboverdiano em linha

Dansá te morrê — Arte na reprezentason de Istória 24 Maio 2022

Te oje, siênsia ka expliká kel fenómene ke matá un sentena de pesoa — ke dexá de ten dor, fome, sede o kansera i dansá te morrê. Segunde livre de Paraselsu, médike i sientista de natureza, tude komesa ke un Frau Troffea ke komesá ta dansá na mei de prasa de merkòde de Strasburg.

Dansá te morrê  — Arte na reprezentason de Istória

Era un mes de julhe, debòxe de sol ta kemá, de kes más kente ke jente tava lenbrá**. Axpôs txegá txuva, txuva bròbe dakês ke so sabia ken tava guardá kes livre antige.

Lavras levòde pa xkarrose, tude xperansa de kolheta kabá na kel veron infernal de 1518 na Lorena, rejion de maior Impérie ke Europa tive na Renasensa. Lavras perdide, fome tava ta ba txegá depôs pa mata milhars de fransez.

Foi un xpònte, kel kontesimentu nun dia de merkòde de Strasburg. Pove pará ses rutina pa konpanhá kel dansa ke durá un semana interin. Na mei de de prasa ome i amdjer ta dansá dia i note, sen pará.

Pove te txegá de tude banda pa oiá primer kel matrona ke nunka konfirmòde se nome. Frau Troffea quaje e invente de Paraselse.

Pintores reprezentá kes jente ke entrá na dansa, un semana interin ta dansá. Paraselse — ke M deskubrí seixsente óne más tardi na Biblioteka de Paris — kontá ke es era pa riba de sen, sente-i-tal.

Fotos: De gravura (pretu i brònke) de Hendrik Hondius — tres amdjer ke epidemia de dansa faze dansá te morrê. Pinturas de Peter Brueghel.

**França: 45,9º C à sombra faz soar alerta vermelho – Pior que recorde de 44,1º C que matou milhares de franceses em 2003, 29.jun.019.

Os artigos mais recentes

100% Prático

publicidade


  • Mediateca
    Cap-vert

    Uhau

    Uhau

    blogs

    Copyright 2018 ASemana Online | Crédito: AK-Project