NOS KU NOS

A SEMANA : Primeiro diário caboverdiano em linha

Merka de volta pa Komison de Direitus Umanu ONU 23 Fevereiro 2021

21 de fevrer de 2021. Dia Mundial de Língua Maternu. Nes ora ke Direitus Umanu ti ta volta pa ajenda di primer potênsia mundial, no ta republiká más un texte de 31 de dezenbru de 2009. Nota inportante: Na okazion instituíde pa selebrá Diversidade Linguístike, skrevê na língua de norte e un sinalizador de "diversidade ke ta uní ", o na falta dun imajen medjor, evoká sistema konfluente de vida: tude kes pasaja d’aga ta korrê pa rebera i tude rebera ta korrê pa enkontre na mar unide de kada língua.

Merka de volta pa Komison de Direitus Umanu ONU

Kuatre prezidente, dos pozison: pró i kontra partisipason de Stadus Unide na Komison de Direitus Umanu ONU. Biden i Obama konpô kel ke Bush i Trump desfazê.

«Obama faze Merka volta pa Komison de Direitus Umanu

«Tersa, 31 de dezenbre de 2009. Administrason Obama anunsia ma Stadus Unide ti ta partisipa na mes de maiu na eleison pa un de tres lugar de lideransa na Komison de Direitus Umanu.

«Un reviravolta total dexde kònde Bush fazê Merka sai de Nasons Unidu. Prezidenti merkòne na 2007 expresá ma era un “protestu kontra influensa ke Stadus represor tinha na ONU”. El tava ta referí Sudan i Zinbabué.

«Órgãu intergovernamental inkuadradu na sistema de Nasons Unidu, Komison de Direitus Umanu, ta sediá na kapital de Suisa, Jenebra, ten 47 menbru eleitu i ten mison de fortalesê promoson i proteson de Direitus Umanu.

«Na dia 15 de maiu, ajenda de Komison de Direitus Umanu ta destaká eleison durante «Asenbleia-Jeral de ONU, na Nova York.

«Dakes 47 lugar pa eleje, tres e prinsipal. Es sta okupadu oje pa Nova Zelândia, Noruega i Béljika. Nova Zelândia já manifesta ke paíz sta disponível pa da lugar pa Stadus Unidu konkorre.

"Keli e un inisiativa ben resebidu pa tude paiz ke ta defende Direitus Umanu”, sima garantí un fonte de Komison de Direitus Umanu.»

Maria de Lourdes Lima, autora

Os artigos mais recentes

100% Prático

publicidade


  • Mediateca
    Cap-vert

    Uhau

    Uhau

    blogs

    Copyright 2018 ASemana Online | Crédito: AK-Project