NOS KU NOS

A SEMANA : Primeiro diário caboverdiano em linha

’Un oportunidade de fazê istória na Direitus Umanu’ — Dia Mundial de Língua Maternu 22 Fevereiro 2021

21 de fevrer de 2021. Dia Mundial de Língua Maternu. Nes ora ke Direitus Umanu ti ta volta pa ajenda di primer potênsia mundial, no ta republiká traduson de texte ke ex-prezidente James Carter, de Stadus Unide skrevê na dezenbru de 2008. Nota inportante: Na dia instituíde pa selebrá Diversidade Linguístike, skrevê na língua de norte e un sinalizador de "diversidade ke ta uni", o na falta dun imajen medjor, evoká sistema konfluente de vida: tude kes pasaja d’aga ta korrê pa rebera i tude rebera ta korrê pa enkontre na mar unide de kada língua.

’Un oportunidade de fazê istória na Direitus Umanu’ — Dia Mundial de Língua Maternu

Autor: James Carter**

«Avansu di Direitus Umanu i demokrasia e fundamental pa stabilidade na munde inter; i pa konsigi-l e mestidu djuntá forsa de tudu jente ma ativistas. E ativistas ke jeralmente ten, es so, atuadu na ses lokal di asãu, la ondê es ten ke falá kontra injustisa i opreson. Kes li e inisiativaUn oportunidade de fazê Istória na Direitus Umanu

(...)

«Se Governu tinha uvidu kes primer alerta, dadu pa ativistas de Direitus Umanu, tma atenson, fazê mobilizason de diplomasia i interven na tenpe serte, tude barbaridade atual na Bósnia, Ruanda, Sudãu, Darfur i Kongu Demokrátiku podia ser evitadu.
(...)

«Oje e dia de selebrá aniversar de Deklarason Universal de Direitus Umanu. Grinhasi, ti ta txegá na ‘Kaza Branka’ un novu Governu i un novu visãu, Merka ten un oportunidadi pa ben mudá devera i rekuperá autoridadi moral ke sta na baze de movimentu di Direitus Umanu. Mas primeru jestu ten ke partí de li, na Merka.

«Prezidente-eleite Barak Obama konprometê fetxá Guantánamo i kabá ku torturas. Pa konkretizá promesa, el ten so ke da orden pa fitxá kel prizon i reforsá proibison de tortura pa ofisial merkanu, ke ta inkluí ajentes de FBI i CIA. Tanbê, prizon ilegal — prendê pesoa de manera sekundide o sen limite de tenpu — e un prátika ke ten ke terminá. Kes kazu li, es ten ke ser levadu pa nos tribunal, ke dá prova ma es e konpetente pa julgá kazus de terrorisme.

«Se Stadus Unidu konsegí pô orden na se kaza, nton el podê reklamá kel autoridade moral i kel kapital polítiku ma kredibilidadi ki el presizá pa, de forma franku i ke respeite, komesá diálogu sobre proteson de Direitus Umanu inkuante bazi ke ta sustentá paz i prosperidadi na munde inter.

«Defensores de Direitus Umanu reunide na Carter Center durante es semana – es ben de munde inter pa nos konferênsia anual –, es sta ku tude ses fé na Governason de Obama. Na Pakistãu, ken kre se país ta segí prínsipius moral más firmi, es sta ke odje na nos, ta sperá nos apoiu pa rekuperá forsa de lei kanterior Governu di Stadus Unide djudá Pervez Musharraf destruí kandu el enfrakesê Supremu Tribunal.

«Defensores de Direitus Umanu na Ejipte ta lutá pa demokrasia na país, es sta sperá Stadus Unidu ta inpenhá na djuda-s konduzí eleison livre i juste, pa terminá persegison de governe kontra opozison.

«Médiu Orienti ten speransa ma Stadus Unidu ta konduzí un inisiativa persistente pa da un soluson na konflitu Israel-Palestina (...), ki e un prisma pa medí kantu Stadus Unidu ta valorizá Direitus Umanu.

«Na Kongu Demokrátiku, flajeladu pa gerra, ativistas de Direitus Umanu ta arriska vida tude dia, ti ta sperá ma Stadus Unidu ta presiona (...) retirada de soldadus ke ta apoiá violensa na kel país.

«Forsa moral di Stadus Unidu ten sidu un kapital imensu. Prósimu prezidente ten gosi un oportunidadi, inperdível, pa da un izenple. Un izenple inspirador i ke ta enkorajá tude ken ta prokurá liberdade. Pa da un izenple de firmeza i forsa kontra tude algen ke ta obstakuliza kamin de liberdade. »

**Prezident de 1976-1980 e tanbê fundador de Carter Center, "ONG ke ta defendê progresu de paz i de saúde na munde inter".

Traduson i prezentason de Maria de Lourdes Lima

Os artigos mais recentes

100% Prático

publicidade


  • Mediateca
    Cap-vert

    Uhau

    Uhau

    blogs

    Copyright 2018 ASemana Online | Crédito: AK-Project